Equipo humano

Pertencente á primeira promoción de dobraxe de Galicia (1982), foi no ano 1985 o director de dobraxe máis novo de España. En 1998 compaxinou outros ámbitos profesionais e, sen deixar a dobraxe, granxeou recoñecida experiencia na dirección e na xerencia de empresas ao asumir altas responsabilidades de administración, dirección comercial e distribución e loxística en compañías de telecomunicacións, de enerxías renovables e de desenvolvemento de software e de Internet a nivel nacional, así como de comercialización e implantación de solucións B2B e B2C.

Administradora Delegada e Directora de Dobraxe

Actriz e directora profesional de dobraxe en activo desde o ano 1985, dobrou, entre outras actrices, a Isabelle Adjani, Robin Wright, Emma Thompson etc., e participou na dobraxe para cine de títulos como Los amigos de Peter, El abogado del diablo, El cosmonauta, Tina, la vida de Tina Turner ou Cars 3, así como en múltiples series de televisión, longametraxes, documentais e proxectos de voces superpostas. Dobra e dirixe indistintamente en lingua galega ou castelá.

Directora de dobraxe desde o ano 2005, foi responsable de cásting e directora de series de sona como Drake & Josh ou iCarly.

Desde 2007, desenvolve tamén tarefas de formación de dobraxe e sonorización para estudios de gravación, axencias etc., e desde 2019 é administradora de Babalú Studios.

Diplomada en Ciencias Empresariais pola Universidade de Oviedo e de León, acredita máis de 20 anos de experiencia no desenvolvemento da xestión de produción e da planificación en estudios de gravación, así como na atención e coordinación de proxectos con clientes.

Profesional do son con ampla e demostrada experiencia de máis de 20 anos, formado na CES de Madrid no ano 2002, é tamén músico en activo.

Titulada como Técnico Superior Administrativo, xestiona a Área de Subtitulado, as comunicacións internacionais da compañía e a produción.

Profesional do son con ampla e contrastada experiencia de máis de 20 anos, formado no IES Escola de Imaxe e Son da Coruña 1999-2001, é tamén músico en activo.

Cursou estudos de Inglés en Cambridge e universitarios de Turismo en Madrid e Alacante. Ademais de actor de dobraxe en activo, xestiona a área de Produción, Subtitulado e as comunicacións internacionais da compañía.