Gravación de dobraxe
‘Tocar o violín montando en bicicleta’.
A Juan R. Guisán, recoñecido actor e pioneiro na nosa actividade, non lle faltaba razón. A creación artística camiña en paralelo ás tecnoloxías e aos progresos, pero sen perder a esencia única do artesán no resultado da súa obra.
En Babalú Studios dotámonos dos últimos equipamentos e situámonos á vangarda do deseño de procesos e dos avances técnicos para salientar ese brillo que impregnará as nosas producións nos ámbitos da gravación, a dobraxe, a sonorización, a localización, a publicidade etc.
A credibilidade vai unida ao sentimento das persoas que participan nunha sesión de dobraxe. As máquinas, as aplicacións e os medios pódense adquirir, pero o matiz dunha frase entregada a unha escena é froito do talento humano, persoal, único, fugaz, fresco, imperceptible ás veces, pero xeneroso e irrepetible.
Babalú Studios, unha empresa fundada no ano 2007 por profesionais con máis de 40 anos de recoñecido prestixio no sector.
Babalú Studios Academy
Escola de Dobraxe
Babalú Studios é o centro de formación onde aprenderás a usar o instrumento de comunicación máis completo do ser humano: a voz
Cos nosos cursos tiraraslle o máximo proveito á voz e converteraste en actor ou en actriz de dobraxe, cualificándote tamén para traballares en múltiples sectores (ademais do audiovisual) ao manexar a voz como ferramenta de traballo.
